आकाश फाटले

रात्र दिन वर टाईम करूनी थकत नाही बाबा

अपुला लाल सुखी राहो ध्यास करती बाबा

पोटाला चिमटा देऊन पै पै  केला जमा

जन्मानंतर अलंकार घालुनी कुरवाळले तुला

कटी खांद्यावर घेऊनी म्हणती जग पहा जरा 

तूच उद्याचा धनी माझ्या संपत्तीचा राजा

पडलास आजारी न पाय थबकले जरा

तनमनधन अर्पण करूनी केले तुला उभा

शिक्षण देऊनी ठेविले उच्चस्थानी तुला

गाडी बंगला धावुनी आले तुझ्या स्वागताला

पण विसरलास एका क्षणात लाडका बाबा

ठेवायलाा नाही तुझ्याकडे थोडीही जागा

हात हातात घेऊन ये चालायला शिकवले जगा

त्याच हातांनी बाबांना वृद्धाश्रमात दिली सजा

 

आकाश फाटले ठिगळं लावतील कुठे बाबा

तुझ्या आठवणीत सुख मानतील का बाबा