खेळ आयुष्याचा
खेळ आयुष्याचा
खेळ आयुष्याचा
असा कसा मांडला रे
खेळ आयुष्याचा देवा
होतो सुखासमाधानात
वाटला का तुलाच हेवा
आले जीवनात त्यांच्या
महामारीचेच घोर संकट
बंदिस्त राहिलो घरातच
झाला सारा मार्ग बिकट
गमावलेत आप्त मित्रही
कीडेमुंग्यावाणी हा जीव
फासे नशिबाचे उलटलेत
कधी येईल रे तुला कीव
काय होतीच चूक बाप्पा
नेलेस हिरावूनी मायबाप
शिक्षा मिळाली लेकरांना
काय केलेले त्यांनी पाप
कष्ट करूनी मानवप्राणी
होता जगत सुखी जीवन
आला महामारीचा फेरा
दिले नाहीस तू संजीवन
झालीत इवलीशी ही पोरे
मायबापाविनाच अनाथ
कसे काढावे आयुष्य सारे
कोणी बनेल त्यांचा नाथ