कैफ तो माझ्या स्वरांचा

गंधाळलेल्या त्या स्वरांनों, या तुम्ही परतून या ,

रात्र आहे संपलेली, स्वागता तुम्ही सिद्ध व्हा

शब्द माझा मी दिलेला ,ठेवूनी साक्षी शशिला

कालच्या त्या सार्‍या व्यथांना, तुम्ही पुन्हा प्रसवू नका

तळपेन मी फिरूनी पुन्हा , सूर्या सवे नभ अंतरी

बरसेन मी धरती वरी , चपलेस ही हरवेन मी

तुम्ही परी गाऊ नका , कालची ती भैरवी ,

गंधाळलेल्या त्या स्वरांनों, या तुम्ही परतून या

ठिणगी ही मी , स्फुलिंग मी ,ज्वाला कधीही होईन मी

जाळेन ह्या सार्‍या जगाला , विसरू कधी ना देईन मी ,

तुम्ही परी या साथ द्याया , जगण्यास या आतुरले मी

गंधाळलेल्या त्या स्वरांनों, या तुम्ही परतून या..