वाढदिवस आबांचा
वाढदिवस आबांचा
गेली होती शब्द फुलांच्या बागेत,
वेचायची होती छान छान फुले चार ,
हाती आली तीच वेचली , आबा ,
तुमच्यासाठी केला त्याचा हार.
माणुसकी जपणारे , माणसं जोडणारे,
जोडलेल्याना टिकवणारे आबा आमचे थोर,
काव्य पुष्प बहरेल कसे ,
मनी त्यांच्या असे सदैव घोर .
चुकलो तरी सावरून धरणारे ,
कधी न रागवणारे आबा .
प्रेमाची सावली देणारे ,
आपलेच वाटणारे आमचे आबा .
वाढदिवशी तुमच्या आबा ,
स्वामी समर्था पुढे पसरून पदर,
मागणे एकच मागते आता ,
जगो आबा वर्षे शंभर आणि चार