कायदा
कायदा
1 min
393
कायद्याकडून न्याय म्हणजे
ओरडून मारलेल्या बोंबा ;
लुळे-पांगळे कायदे
अडचण नसून खोळंबा.
वाटा-पळवाटा शोधून
होतोय रोज कायदेभंग;
चोरांबरोबर सवांकडूनही
नेहमीच कायदा तंग.
कायदा वाकवायला-तोडायला
आपण रोज इथे सज्ज ;
तरीही भारत कसे काय
हो 'कायद्याचे राज्य'.
आजही आपण पारतंत्र्यात
असल्याचीच धारणा ;
कायदेभंग चळवळीची
स्वातंत्र्यांनंतरही प्रेरणा.
सगळंच कायद्यानं थांबत
नसलं तरी कायदा हवा ;
कायद्याने बळ मिळून करतो
जो-तो न्यायदेवतेच्या धावा.
कायदा केला तरी तो
नसावा लुळा-पांगळा ;
जाती-धर्म , व्यक्तिनिरपेक्ष
राष्ट्रहित जपणारा आगळा.