काकस्पर्श
काकस्पर्श
प्रथा- परंपरांचा समाजात
दिसतोय विनोदी गफला ;
म्हणून कुत्रे- कावळे म्हणतात
भाद्रपद आहे फक्त आपला.
पूर्वजांचे श्राद्ध घालण्याचा
पितृपक्षात पारंपारिक आदर्श ;
जिवंतपणी दुर्लक्षित असणाऱ्या
पितरांच्या पिंडाना " काकस्पर्श "
खालच्यापेक्षा वरच्यांना जेवू
घालण्यात कुठलाय त्रास ?
पितरांच्या घासाला शिवण्यासाठी
कावळ्यांची मनधरणी ;
पितृपक्ष जेवणातील खास मेनू
दिसतोय पितरांच्या चरणी.
मृतातम्यांच्या मुक्तीसाठी
श्राद्धचा पर्याय सुलभ ;
प्रचंड वृक्षतोडीने पितरांच्या
पिंडाला काकस्पर्श दुर्लभ .
प्रथा-परंपरा आपण
डोळसपणे पाळाव्या ;
पर्यावरणाचा ऱ्हास होईल
अशा गोष्टी टाळाव्या .