काहीतरी सांगायचंय मला......!

काहीतरी सांगायचंय मला

भेटशील का तू एकदा

विचारांचे वादळ हे

डोकावते कितीदा

राहून गेल्या बऱ्याच गोष्टी

मनमोकळं नाही बोलता आलं

तेव्हा जे जे पटल मनाला

तेवढ्यापूरतच जगता आलं

काहीच न बोलता

मन कसे वळेल

उमलल्या भावनांचा

गंध कसा कळेल

दंग होतास तू

चित्र माझे रेखाटताना

मनोमनी मी गुंतत होते

फक्त तुलाच पाहताना

ही यातना मनाची 

तुजला एकदा कळावी

काहीतरी सांगायचंय मला

अशी कविता मी स्फुरावी