जन्मदाता

जन्मदाता बाप 

मायेचा हा हात, 

जबाबदारीत या 

देई खरी साथ. 

पडे काही कमी 

वेळेत आणूनी,

देई सारे काही 

कधी न बोलुनी. 

प्रेम करण्यास 

कधी नाही मागे,

शिस्त लावण्यास 

कठोरही वागे.

कुटुंब प्रेम हे 

वसे ध्यानी मनी,

कर्तव्य बजावे 

आपले हसूनी.

दिवसभर हा 

कष्टाने तो राबे,

येताच उशिरा 

बाळास गोंजारे. 

दुःखात असता 

कधी न दाखवे,

अश्रूंची ओघळ 

डोळ्यात लपवे.

दूर ज्याचा बाप 

विचारा हो त्याला, 

माया ही बापाची 

आहे कुटुंबाला.