जीवनगाणे
जीवनगाणे
जन्मा येता या तरूवर
मृत्यूही स्वीकारा आनंदाने !
कुणी न उलटती हया
आयुष्याची मिटली पाने
जगू सारे आनंदाने..
गाऊ या जीवनगाणे !!
सुख दुखः हे
आयुष्याचे खरे सोबती
का उगाच गाती रडगाणे !
येणे हाती नाही आपुल्या
नाही निघून जाणे
जगू सारे आनंदाने ..
गाऊ या जीवनगाणे !!
आयुष्यभर संचय केला
कष्ट करून जोमाने !
वेळ येता जाण्याची
जीव वाचविला का
या पैशाने ?
जगू सारे आनंदाने ..
गाऊ या जीवनगाणे !!
जन्मा येता मुठा वाळुनी
जातांनाही खालीच जाणे !
खोटा सारा पैसा अडका
अन् खोटे सारे नाणे
जगू सारे आनंदाने ..
गाऊ या जीवनगाणे !!
रूढी परंपरांचा आदर
करूनी पाळू या नित्यनेमाने !
निसर्गाचा समतोल साधण्या
पुढे येऊ या प्रत्येकाने
जगू सारे आनंदाने ..
गाऊ या जीवनगाणे !!
जीवनाचे तत्व मानवा
येईल केव्हा कळूनी !
क्षण निघून जाता सुखः
भोगण्याचे काय
उपयोग जीव जाळुनी
जगू सारे आनंदाने ..
गाऊ या जीवनगाणे !!
जन्म मिळतो एकदाच हा
आनंद भोगू या सुखाने !
आणले भूमीवर ज्या देवाने
आभार मानू त्याचे सदमुखाने
जगू सारे आनंदाने ..
गाऊ या जीवनगाणे !!