जीवनातला खरा आनंद

जिवनातला खरा आनंद

फक्त शोधता आलं पाहिजे

स्वतःला चांगल्या कामात

गुंतता आलं पाहिजे....!!

निराधाराला आधार देवून

माणसात देव शोधता आलं पाहिजे

वृद्धांवर जिवापाड प्रेम करून

त्यांना हळुवार जपता आलं पाहिजे.....!!

दानधर्म, निस्वार्थ सेवावृत्ती

मनापासून असली पाहिजे

वरवरच्या दिखाऊपणाला

थोडं बाजूला सारता आलं पाहिजे...!!

उन्हाळे, पावसाळे येतच राहतात

निसर्गावर भरभरून प्रेम करता आलं पाहिजे

मातीतच जन्मून मातीतच जायचं

हे लक्षात ठेवता आलं पाहिजे...!!

माय आणि माती अनमोल जीवनी

तीचं थोडंफार ॠण फेडता आलं पाहिजे

आकाशात कितीही उंच उडा पण

पाय जमिनीवर ठेवता आलं पाहिजे.....!!

चारचौघांतल्या मोठमोठ्या गप्पापेक्षा

चारचौघांच्या हृदयात बसता आलं पाहिजे

मोठेपणाला बाजूला सारून

एकमेकांच्या संकटात धावता आलं पाहिजे...!!

जीवनात भरभरून आनंद आहे

तो फक्त शोधता आलं पाहिजे

सुखदुःखाच्या वाटा तुडवीत

पुढे पुढे जाता आलं पाहिजे....!!