जाणं तर आहेच सर्वांना एक दिवस

जाणं तर आहेच सर्वांना एक दिवस पण

खरं सांगू मासारखं जगायचंच राहून गेलं

काय करणार फाटका संसार सदैव भिक्षांदेही

धडपडलो टीचभर पोटासाठी खोट्या प्रतिष्ठेसाठी

कळतेच रे मला न तुम्ही सांगितलेले सुद्धा

तुमचे डोळेच सांगून जातात बरंच काही

तुमचे धीराचे इशारे ती हतबलता प्रेम

भीतीने काळवंडलेले अश्रुनी डबडबलेले चेहरे

रागावू नका रे तुम्ही माझ्यावर

निरोप न घेताच निघालो म्हणून

झाली असतील लाख चुका

माफ करा तुम्ही मोठ्या दिलाने

आता मला निघायला हवं, भेटूयात

पुन्हा जरूर जगल्या वाचल्यावर

अश्रू नका ढाळू मी गेल्यावर

अशीच माया असू द्या कुटुंबावर