हरवलेली नाती

जाते दिसा गनिक दिस

तसे बदलती समाज, माणूस

स्वार्थासाठी हरवली इथे

नाती- गोती आजमितीस

    सख्खे भाऊ ही आता

    झाले एकमेकांचे वैरी

    शेती, संपत्ती वाट्यासाठी

    उठले एकमेकांच्या जीवावरी

ना उरली आज इथे

भावाबहिणीची ही माया

मान सन्मानापोटी भांडती

संगे भावजय - भाऊराया

   वृद्ध मायबापही आता

   होती डोईजड मुलास

    ना बाळगता खंत त्यांची

    रवानगी करतो वृद्धाश्रमात

बंद झाले मनाचे द्वार

दुरावा नात्यात दिवसेंदिवस

बुरखा घालून वावरती

माणसे हरवली नात्यास