हरवलेली चिऊताई

हरवलेली चिऊताई
माणसांच्या या जंगलात
कुठे तुला शोधू
हरवलेल्या माझ्या चिऊताई साठी
घरटं कुठे बांधू..
आधी बरं होतं ग
सारखा तुझा चिव चिवाट येत होता कानी..
आता मात्र वाट बघावी लागते की
केव्हा येईल माझी चिऊ राणी..
लहान लहान मुलांना सुद्धा
आता चित्रातच तू दिसतेस
प्रत्यक्षात तुला बघायला गेलं
की दडून कुठेतरी बसतेस..
दोष यात कुणाचा काहीच कळत नाही
 पण तुझ्या अस्तित्वासाठी लढणारे
 आहेत जगात अजून काही..
असं नको ना चिऊताई तू हरवून जाऊस
 दाणापाणी तुझ्यासाठी काढलेल आहे
 ते कुणाला बरं आता मी देऊ..
तुला परत आणायला मन आता आतूरले
म्हणूनच कदाचित आम्ही सर्वानी
स्वतःला सावरले..