हात मेंदीचा
हात मेंदीचा
पुन्हा छेडलीस सप्तसुरी ती तार,
हात मेहंदीचा रंग चढे गालावर.
चांदण शिंपत आलेली सुप्रभात,
स्पर्शगंध मधुचंद्राचा झुले मनावर.
सय शतजन्मांच्या शपथा स्मरून,
नववधूचा तो सुखद क्षण सोहळा.
आकाशवर्णी शृंगारात सजे अप्सरा,
हात हात देत मुखचंद्र तो लाजला.
गेला तो क्षण फुलवून मोरपिसारा,
कस्तुरी मृदगंध रोमरोमात भरूनी.
संघर्षमयी जीवना आदर्श शिकवून,
नवचैतन्याची पालवी येई बहरूनी.