लाइब्रेरी
प्रोफाइल
आदित्य स्तुती
आदित्य स्तुती
1 min
17
जय सूर्य भगवान
तूच जगत आधार
वेद पुराणी महत्ती
सह्त्र जन्माचा उधार
अनुपम शक्ती ज्याची
तेजोमय बलवान
पूज्य त्रैलोक्य विश्वात
संपन्नता वरदान
भूमंडली उर्जा स्त्रोत
विनाशक दैत्य शक्ती
भक्त सदा अर्ध्य देती
सुखमय फलप्राप्ती
नऊ ग्रहांचा तो राजा
वाढे नेतृत्व सन्मान
जन कल्याणा प्रकाशे
दयाघन महिमान
आरोग्य पुष्टिवर्धन
प्रेम स्पंदनी पहाट
झुंजुमुंजु किरणांची
सप्तरंगी वहिवाट
