आरसा

खरा आरसा दाखवा

भ्रष्टाचारी कामकाजा

गळे केसांनी कापती

सुशिक्षित गुंडाराजा

कूटनीती पैश्यांसाठी

संपत्ती ही दुष्कृत्यांची

जाणूनी कर्मसिध्दांत

फळे भोगीत कर्माची

दयनीय माणूसकी

मनी ईषा जळमट

सुखलोलुपता शौक

आयुष्याची फरकट

देह निर्जीव नारद

स्वार्थ अभिलाषा पोटी

मुखवटा दातृत्वाचा

आस मतलबी खोटी

मृत्यू समयी आरसा

चलचित्र नाचे डोही

मोहमाया खोटे आसू

निरपेक्ष आत्मा पाही