गुरूमहिमा

गुरूवीण कोण । दाखविल वाट।

अवघड घाट । आयुष्याचा ।।

गुरूच पाजतो । ज्ञानामृत कण ।

पिऊनिया मन । झाले तृप्त ।।

अंधाराची वाट । प्रकाश दाविला ।

 गुरू हो भेटला । सानथोर ।।

वडिलांची माया । आईचे संस्कार ।

स्वप्न हो साकार । झाले आज ।।

गुरूविण कोण । देईल आकार ।

जणू तो कुंभार । होवूनिया ।।

चराचरात तू । रूप तुझे छान ।

गुरूला रे मान । वंदुनिया ।।

गुरूवीण कोण । ज्योत तो पेटवी ।

अज्ञान मिटवी । जगाचिया ।।

गुरूचे आशिष । ज्ञानी बनविते ।

मीनाक्षी सांगते । ठेव ध्यानी ।।