गुरूचे महत्त्व

माणसाच्या जीवनात गुरूचे महत्त्व

कधीही अगदी अनन्यसाधारण असते

त्याच्या जीवनाला आकार देऊन

मार्गदर्शनाने कल्याण होताना दिसते

मुलांचा पहिला गुरू आईच असते

ती जीवनाचा शिल्पकारच ठरते

मुलांसाठी आयुष्यभर खस्ता खाऊन

त्यांच्यावर माया ममतेची पखरण करते

ज्ञानदान करणारा शिक्षक तर

नेहमी माणसाला नवी दृष्टी देतो

नवनव्या विषयांची माहिती देऊन

मुलांच्या जीवनात गुरूच्या रूपाने येतो

शालेय जीवनातच अभ्यासाची गोडी लावून

शिक्षक उद्याचे सुजाण नागरिक घडवतो

शिक्षण क्षेत्रात भरघोस कामगिरी करून

समाजात प्रतिष्ठेचा आदर्श शिक्षक बनतो

जन्मदाते आईवडील मुलांचे संगोपन करताना

आयुष्यभर राबून त्यांना पोसतात

मुलांसाठी महत्त्वाची भूमिका बजावताना

त्यांना ते कायम पाठबळ देत असतात

संस्कारांचा खजिना आईवडीलच देतात

मुलांना पुढे ते संस्कार आयुष्यभर पुरतात

शिक्षकही शिक्षणाचा भक्कम पाया रचून

मुलांना स्वतःच्या पायावर उभे करतात

सध्या विज्ञान तंत्रज्ञानाच्या युगात

माणसाला शिक्षणाशिवाय गत्यंतर नाही

पैसे कमावून उदरनिर्वाह करण्यासाठी

विद्येचे महत्त्व अनन्यसाधारण राही

अशा या महान गुरूंची किमया

माणसाला नेहमी प्रगल्भ बनवते

आणि या गुरूंची प्रभावी शिकवण

जगण्यासाठी माणसाला योग्य मार्ग दाखवते

अशी ही गुरूची जीवनातील अगाध महती

कधीही विसरू शकत नाही, न संपणारी असते

पावलोपावली माणसाच्या जीवनात

कार्यरत राहून अंतापर्यंत दिसत राहते