गुरु महिमा

लघूलाही गुरू करतील असे 

असावे गुरू स्वयंप्रकाशी |

त्यांच्यावरून उधळून टाकाव्यात

समस्त ब्रम्हांडातील नक्षत्र राशी | |१| |

गुरू असावा अंतरातल्या ईश्वर

तत्वाशी भेट घडवून देणारा |

गुरू असावा अज्ञानाच्या तमातून

ज्ञानाच्या प्रकाशाकडे नेणारा | |२| |

गुरु शिष्यासाठी या भवसागरी

दीपस्तंभा समान असावा |

अपयशात शिष्यास नैराश्याच्या

गर्तेत एकटं सोडणारा नसावा | |३| |

गुरू असावा सदैव शिष्याच्या

पाठीशी राहणारा खरा मित्र |

दिसावे सदैव त्याच्या नयनी

शिष्याच्या भवितव्याचे चित्र | |४| |

वर्णावा तरी काय किती अन् 

कशा शब्दात गुरुचा महिमा |

गुरू असतो अमर्याद ज्ञानाचा 

सागर ज्याला नसतेच सीमा | |५| |