लाइब्रेरी
प्रोफाइल
गर्द काळ्या नभातूनी
गर्द काळ्या नभातूनी
1 min
256
गर्द काळ्या नभातूनी
मंद धुके बावरते
हिरवा शालू नेसून
नभ खाली उतरते ॥1॥
शिट्टी घालतोय वारा
आवाज कुठून देतो
नदी नाले बांध ओढे
खळखळ नाद येतो ॥2॥
गोठ्यात हलती माना
थरथर अंगी झाली
सर्जा राजा कानी बोले
चल बग सुगी आली ॥3॥
कुठे कोणा बांधावर
गुरे निवांत चरती
पाण्यापाशी गाई गोरे
उगाच गुटमळती ॥4॥
रूप सृष्टीचे सारेच
काही क्षणात बदले
आगमन तुझे होता
पान न पान सजले ॥5॥
