लाइब्रेरी
प्रोफाइल
गर्भांकुर
गर्भांकुर
1 min
609
बीज अंकुरे अंकुरे
माऊलीच्या गर्भामधे
जाणीवेने सुखावते
माता अंतर्मनामधे
दोन जीवांचे मीलन
बाळ झुले ओटीमधे
नाळेनेच जोडलेला
बाळ अंगोपांगामधे
आगमन अंकुराचे
मोदे भरले सदन
रोज स्मरण देवाचे
अन्न सात्विक सेवन
एक दिन अंकुराचा
झाला आता बाळराजा
जपे जीवापाड त्याला
असे कलित जीवाचा
पंख फुटे अंकुरासी
घेई झेप परदेशी
भेट संगणकामधे
वाटे सुनीसुनी कुशी
रमलेला परदेशी
नाही आठव मनासी
जन्मदात्री मी माऊली
कसे विसरु तयासी?
