ग्रामीण शेतकरी

सरकार बरीक गपगार हायं

जगायचं कसं कळतंच नाय

रानात काय पिकतंच नाय

मोप केलं काम गाळला घाम

बरकत काय होतंच नाय

सरकार बरीक गपगार हायं

जगायचं कसं कळतंच नाय

खात बेणं परवडत नाय

मजूर आपला गपगुमान हाय

काम नाही तरी मजुरी ध्याय

सरकार बरीक गपगार हायं

जगायचं कसं कळतंच नाय

बाजारात मालाला मोलच नाय

पिकलं मोप तर फेकून द्याय

रिकामा बारदाना घराकडं जाय

सरकार बरीक गपगार हायं

जगायचं कसं कळतंच नाय

बायकु पोरांना कापडं नाय

आमच्या पायात पायतान नाय

काटकुटं तुडवत जाय

हु की चु करायचं नाय

सरकार बरीक गपगार हायं

जगायचं कसं कळतंच नाय

पोरं-पोरीना शिकशाण नाय

पोरीचं लगीन करणार काय

रीनापायी सावकार दारात हाय

सरकार बरीक गपगार हायं

जगायचं कसं कळतंच नाय

मरावं वाटतं मरणार हाय

पोरा बाळाचं होणार काय

आमचं जगणं मरणच हाय

सरकार बरीक गपगार हायं

जगायचं कसं कळतंच नाय