गोठलेलं दुःख
गोठलेलं दुःख
सुन्न आणि शांत
घात झालेली रात्र
निःशब्द स्तब्ध एकांत
एकाकी रात्र
काळीकुट्ट रात्र
स्मशानातल्या चितेवर
झाला प्रकाश
उर भरला बांध फुटला
गोठ्यातल्या गाई म्हशी न्
वाडाही पोरका झाला
पेटण्याआधीच चिता
भावनांचा थरकाप झाला
अंत झाला घात झाला
त्या सुन्न शांत रात्री
एकांत दाटला
काळीज फुटलं
उठलं काहूर
झाला पाचोळा
पाचोळा भिरभिरत राहिला
वावटळीतल्या त्या धुलीकणांबरोबर
वेदना दगड झाल्या
आभाळ पेटलं
मन पेटलं
पेटल्या रानात
सगळं कसं
शांत शांत झालं