गझल लोकस्वभाव

खावून शेत कुंपण देऊन घाव गेले

पाठीत घाव मारत सारेच साव गेले

स्वस्तात सर्व राशन देतो म्हणून नेते

मारून थाप पोकळ जिंकून डाव गेले

मोठे भयाण वादळ येऊन काल रात्री 

एका क्षणात केवळ बुडवून नाव गेले

नाजूक ओठ कोमल बोलून गोड भाषा

लावून नेम लोचन उडवून गाव गेले 

लावून रोज चंदन घालून माळ मोठी

मारून काल बोकड हाणून ताव गेले

प्रेमात काल साजण देऊन प्राण आला

आई वडील वाहत अश्रूंत राव गेले 

अश्रूंत चिंब जीवन घायाळ वेदनांनी

कमलास लोक पंकज ठेऊन नाव गेले