घात

ठाऊक मज करशील अनपेक्षित घात

तरीही प्रीतिचे डोहाळे का बरं ?

अभिनय कला तुज पासून शिकावी

तुज जवळ ही ऐपत न्यारी

अपराधी तू ठरवतोस मज बिनदिक्कत 

साक्ष का देशील विरोधात अन कशाबाबत

तरीही का करते काळजी स्मरणातही ?

का आहे मी सदैव तुज मोहपाशात

रचलेल्या पत्त्यांच्या मनोर्याला फुंकर घालून तुच पाडणार 

तरी मश्गुल असतें मुळी तुझामाझा संसार थाटण्यात

जाणते अकल्पित कलाटणी देशील नात्याला  

ठाऊक मज सारें तरीही प्रीतिचे डोहाळे...