गारवा

क्षण आज आठवले

गुलाबी थंडीतले-

तु मला अन मी तुला

नजरेने पाहिले ।।

भुरळ घालून मजला

जिंकलेस त्या क्षणी-

रूप तुझे मोहक

राहिले माझ्या मनी।।

पुनः नव्याने भेटीची

ओढ लागली आहे-

गारवा ही माझ्यासावे

वाट पाहतो आहे।।

ओढीने तुझ्या शहारले

चांद्रमाला न्याहाळले-

तो ही पाहत असेल याला

आठवत असेल का मला?

कावरीबावरी 

झाले मी क्षणात-

विचारांचे काहूर

माजले मनात।।

वचन तु दिले ते

क्षणभंगुर नाही-

विश्वासाने मन माझे

तुझी वाट पाही।।