द्वेष

द्वेष येतो मला त्याचा

पुरुष जो देतो स्त्रीला

स्थान दुय्यम दर्जाचे

स्थान तिला चपलेचे

स्वतःच्या क्षणिक सुखासाठी

करतो तिच्यावर जीवघेणे वार

जिवंतपणी पेटवतो तिला

बळजबरी करून संपवतो तिला

कधी नाचवतो कोठ्यावर तिला

अश्लील चित्रे काढून

घेतो तिचा फायदा

कारण कदर नाही तिच्या प्रेमाची त्याला

वासने पोटी झाला

तो अंधळा

करतो प्रयोग आपल्या बळाचा

त्या अबला ला झुकवायला

तिच्या जगण्याला घालतो बंधन

तिचे जगणे करतो निरर्थक

स्त्रीच्या अब्रूला

देतो काचेची उपमा

म्हणतो तिला मूल्यवान सामान

वेळोवेळी करतो तिथेच अपमान