दूरदृष्टी

प्रत्येकाकडे दूरदृष्टी नसतेच

असं म्हणणं ठरतं अयोग्य |

थोडेच जण वापर करतात 

संधी पाहून तिचा सुयोग्य | |१| |

दूरदृष्टी ठेवून स्वार्थी काहीच

आवळा देऊन कोहळा काढतात |

दूरदृष्टीच्या चलाख बायका मुद्दाम

नवऱ्याच्या पानांत अती वाढतात | |२| |

दूरदृष्टीच्या शिवाजी महाराजांनी

जलदुर्ग वसवले स्वराज्यासाठी |

दूरदृष्टी ठेवून वृद्धांसाठी सरकार

देई निवृत्ती वेतन योजनेची काठी | |३| |

दूरदृष्टीचा वापर सद्सद्विवेक

बुद्धीने करता मिळे सुख अंतरी |

कुविचाराने वापर तिचा दे क्षणिक

सुख राहतो पस्तावाच जन्मांतरी | |४| |