दुष्काळ एक समस्या

भिकेची तिजोरी

पैशाचां तुटवडा 

निसर्गाची साथ नाही 

उसाला दर नाही 

कापसाला भाव नाही 

मतांचे राजकारण 

विकासाचा फक्त भासच भास

पाणीबाणी तर पाचवीलाच पुजलेली

गोठ्यातले प्राणी तहानलेले

खायला चारा नाही 

बाजारात प्राण्यालाही किंमत नाही 

झाडांना पानं नाहीत 

प्रत्येक ऋतू शिशीर बनूनच येतोय

गावभर फक्त कोरड्या 

मातीचा फुफाटाच भरलाय

मैल मैल चालून गावाचा

तरूण होतोय स्थलांतरीत

गाव होतोय भकास

शहरं होतायत उदास

प्यायला पाणी नाही 

खायला अन्न नाही 

जगायचं काही कारणच नाही 

जमिनीच्या भेगाबरोबरच

काळजाच्या भेगाही रोजरोज रुंदावतायत

आजचा दिवस कधी संपणार ?

उद्याचा दिवस कसा असणार ?

पण....

दुष्काळ काही केल्या संपत नाही