पाय मातीचे

शेवटी पाय त्यांचेही मातीचे निघाले |

रूतू हे सारे काही साथीचे निघाले |

मैत्री बंधूभाव समानता शब्दांचे बुडबुडे 

खरे दावे त्यांचे जाती पातीचे निघाले |

खूप मारिल्या गप्पा आम्हीच समानतेच्या 

फटाके सारे फुसक्या वातीचे निघाले |

तुझी वचने, त्या आणाभाका गेल्या कुठे? 

बाजारी वाभाडे बघ प्रितीचे निघाले |

ठेवू भरवसा कुणावर देवही तो बाटलेला 

धिंडवडे त्या भाबड्या भक्तीचे निघाले |