दिवाळी

आली दिवाळी, दिवाळी 

संगे आनंद आणला 

दारी पणत्या पेटल्या 

आकाश कंदील लखलखला  

लुटा आनंद सणाचा

विघ्न नको फटाक्यांचे

गोड फराळ करावा 

तेज लाभावे रोषणाईचे  

सण साधासुधा असावा 

नको पैशाची उधळण 

क्षणभंगूर प्रतिष्ठेसाठी 

नको आयुष्याची ओढाताण

सुख समाधानात मानावे

नको हाव जगण्याला 

सहवास नात्यांचा लाभावा

लोभ नको रे मनाला  

नको फटाक्यांचा कचरा

नको कर्णकर्कश आवाज

अंगी पाळावा मंत्र स्वच्छतेचा

युवकांनी पार पाडावा रीतिरिवाज 

नको ध्वनी प्रदूषण 

हटवा वायू प्रदूषण

द्या संदेश शाळेतून 

राखा शुद्ध पर्यावरण  

व्हावा संस्कृतीचा विचार 

जतन करावा वारंवार 

एकतेचे व्हावे दर्शन 

मनी बाळगावा थोर विचार  

व्हावे सण सर्वांचे   

मानवधर्म पाळावा 

विश्व भावना रुजावी 

संदेश शांतीचा असावा