दिस दुःखाचे जातील
दिस दुःखाचे जातील
सारा अंधार संपेल
नवी फुलेल पहाट
सुरू होईल जगाचे
पुन्हा नव्याने रहाट
अशी कशी महामारी
गाडे जगाचे थांबले
आज उद्याच्या आशेने
लग्न कुणाचे लांबले
दहशत कोरोनाची
ऊरी धडकी भरली
मृत्यू बरा, अशी इथे
त्याची भीती पसरली
भीती मनातून काढू
सुरक्षेच्या अटी पाळू
जगावर आलेले हे
विघ्न विषाणूचे टाळू
सरकार आणि आम्ही
मदतीचा हात देऊ
कोरोनाच्या संकटाला
सारे मिळून हरवू
मनी आशावाद ठेवू
दिस दुःखाचे जातील
सारे मोकळ्या मनाने
घास सुखाचे खातील