ध्येयपूर्ती

स्वप्नांना ना लांबी ना रुंदी 

त्यांना फक्त असते उंची 

ती पूर्ण करण्यासाठी असावी स्फूर्ती 

अन् जिद्द बाळगावी ध्येयपूर्तीची 

पोकळ ध्यास मनी नसावा 

खंबीरपणा अंगी असावा 

अडचणी येतील अनेक 

लढण्याचा ध्यास असावा 

यश मिळो अथवा न मिळो 

न बाळगावी खंत उराशी 

आत्मविश्‍वासाने होवून जागा 

कर दोन हात येणाऱ्या संकटांशी 

स्वाभिमानाने लढ पण खचू नकोस 

येणाऱ्या संकटाला भिऊ नकोस 

घे परमेश्वराचे नाव आणि सुरू कर प्रवास 

जिंकण्याची आस मात्र सोडू नकोस 

आनंदी मनाने सोस कष्ट सारे

कष्टातूनच दिसे उद्याचे नजारे

जगण्याच्या शर्यतीला उभा रहा खरा 

पण जीवन सोडून जाऊ नको ना रे