धुंद साथ
धुंद साथ
पुरे फार झाले सखी प्रेम दावे
तनाने मनाशी कितीदा लढावे
अशी रात आहे सुगंधी कळ्यांची
कळ्यांनी खुशीने खुलावे फुलावे
नभी चांद आहे सखे सोबतीला
तरी चांदणीने असे का रुसावे
नभी तारकांनी दिले गं इशारे
किती वेळ माझ्या उशाला बसावे
अशा धुंद रात्री युगांनी न येई
असे आज मी का मिठीला मुकावे
असा वेळ साकी नको व्यर्थ घालू
मिठी घट्ट मारून तू एक व्हावे
अशी रात धुंदीत प्रीतीत घालू
पहाटे प्रिये प्रेमरंगी उरावे