धुलीवंदन

*धु* :- धुलीवंदन करू साजरा प्रेमाने

      सारे जमू एकत्र,

      रंगाची भाषा सांगते

       कुणी ना येथे सावत्र..

*ली* :- लीला सप्तरंगाच्या कृष्णाची

       राधे सह उधळू चला ,

      विसरून सारे हेवे दावे

       संस्कृती आपली जपू चला..

*वं*:-  वंचीत ना राहो कुणी येथे

      मनामनात रंग भरू ,

      लाल पिवळा निळा हिरवा

      मनामनात रंगबेरंगी करू

*द*:-  दक्ष राहून केमिकल

      रंगाचा वापर टाळा,

      लावून कोरडा रंग

     पाणी वाचवून नियम पाळा 

*न*:-  नसावा द्वेष अन् चेष्टा 

       मनात दूजाभाव

      पाण्यासारखे मिसळून जाऊ

      वसेल जणू प्रेम रंगाचा गाव

*अ*:-  असावे आनंदी सदा

      वसे गोकुळ नंदन,

      नको घातक रंग

      चिखल मातीचे धुलिवंदन

*से* :-  सेवाभाव मनी

      मिळे इथे एक चेतना,

      देऊन साथ नेहमी

      बनून सदा एक प्रेरणा..

*अ*:-  असावी लयलूट रंगाची

       देवघेव ही स्नेहाची,

      आनंद वाहतो घरी दारी

       बांधू कमान ऐक्याची..

*सा* :- साथ देते पाना फुलांचे रंग

      हात धरू निसर्गाचा,

      जीवनात भरू रंग

      नात्यातल्या प्रेमाचा..

*वे* :-  वेगवेगळे ते रंग सारे

      रंगाने ठरवू नये जाती,

       मनामनात जागवू प्रेम

      नसावी जाती धर्माची भीती