देव माझा रायगडी
देव माझा रायगडी
सह्याद्री पर्वतावरी
स्वर्ग जणू अवतरला,
उंच नभाशी करण्या स्पर्धा
भगवा झेंडा उंचच उंच फडकला...!
मेघराजही भरूनी आला
आई शिवाईच्या भेटीला,
तळ ठोकीला पावसाने
आज सह्याद्री गहिवरला...!
दवबिंदुनी इथे सजल्या
सह्याद्रीच्या कडा कडा,
डौलाने हा फडकतो
पराक्रमी भगवा झेंडा...!
गर्जुनी सह्याद्री सांगतो
इतिहास हा स्वराज्याचा,
त्रिखंडात गाजे ख्याती
ऐसा राजा महाराष्ट्राचा...!
ताठ मानेने उभ्या
मज रांगा सह्याद्रीच्या
इथे उमटल्या पाऊलखुणा
शूरवीरांच्या शौर्याच्या...!