ब्लाॅक नावाचा कप्पा

ब्लाॅक नावाच्या एका

कप्प्यात सहज टाकतो

भावनांशी खेळूनी

विषय खल्लास करतो

क्षणिक हो आपला

राग विपरित करतो

शांत मनाने मनाला

प्रश्न विचारु पाहतो

मी काय केले हे 

किती होता तो बिचारा

का म्हणुनी नतंर चिंतावे

आपल्याच मनाला विचारा

हृदयाला हादरवूनी

जाणुन बुजुन करणारा

भावनांशी खेळून हो

क्षणात नाते तोडणारा

आयुष्याच्या प्रवासात

अनोळखी प्रवाशी येतात

जीवनाला धडा शिकवूनी

आयुष्यातुन निघून जातात