चंद्र आहे साक्षीला...

चंद्र आहे साक्षीला.....

तुझ्या माझ्या प्रितीला.

रातरणीच्या मंद 

दरवळणाऱ्या सुगंधला.

आपल्यात कधी-कधी 

झालेल्या रुसव्या अबोल्याला.

चंद्र आहे साक्षीला जेथे धरती आणि 

गगन एक होतं त्या क्षितिजाला.

चंद्र आहे साक्षीला

पौर्णिमेच्या रातीला

समुद्राच्या ओहोटी-भरतीला,

त्याच्या उसळलेल्या प्रत्येक लाटेला.

चंद्र आहे साक्षीला......

माझ्या डोळ्यातून 

वाहणाऱ्या प्रत्येक वेदनेला.

माझ्या मीच सांधलेल्या जखमांना.