चिंता कशाला
चिंता कशाला
चिंता करून वेळ घालवता कशाला ?
आताचं बघ पुढचा विचार कशाला
आताचा क्षण तुझ्याच राशीला
उत्साह वाढव, झटक आळसाला
भूतकाळ सोड, लाग कामाला
पलीकडचे भविष्य बघतो कशाला ?
स्वीकार कर आताच्या सत्याचा
आनंद दे आनंद घे जगाचा
दु:खाच्या क्षणात शांत ठेव मनाला
पलीकडच्या भविष्याची चिंता कशाला ?
जो आता तुझ्यासाठी थांबला
त्याच्याशी भेट मन मोकळा
पळत्याच्या मागे लागतो कशाला ?
काखेत कळसा गावाला वळसा कशाला ?
आताचं बघ पुढचा विचार कशाला ?