चाहूल थंडीची

जाळ उन्हाचा वाढला

होई काहिली काहिली

जीव कासावीसं होई

धारा घामाच्या लागल्या

महिना मार्गशीर्ष आला

लागे थंडीची चाहूलं

रंग प्रेमाचा दाटला

गुलाबी होई ऋतूबदल

अवचित थंडी आली

सवे घेऊन प्रेमाला

साऱ्या सृष्टीत विणली

प्रणयरंगाची ग लीला

दिवस सान झाला 

रात्र मोठाली मोठाली

हवेत गारवा वाढला

काया कांबळ्यात कवळली

दिसे कानटोपी कुठे

कुठे शाल मफलरं

स्वेटरं रंगीत अनुठे

ऊब देती अंगावर

वर्ष संपताना येई

नववर्षारंभी राही

कुठे कडाक्याचे रूप 

थंडीची ही नवलाई