बुद्धिबळाचा खेळ तुझा न्यारा

बुद्धिबळाचा खेळच न्यारा 

प्रत्येकाची वेगळी तऱ्हा

घोडा चालतो अडीच घरे 

उंट चालतो तिरकी चाल

सरळ मुसंडी मारून हत्ती

उडवून देतो खरी धमाल

प्यादी तर ती फुकाच मरती

त्यांची होते अगणित भरती

करती उदो उदो राजाचा

कोणास काही किंमत नाही

अभिमान वाहती फुकाचा

गल्लोगल्ली ऐसे राजे 

सत्तेचा मग पट मांडती

त्यांच्यासाठी स्वार्थापोटी

आपसात मग प्यादी भांडती