बंध हृदयाचे हृदयाशी

पाहता क्षणी प्रेमात तुझ्या पडलो

नजरानजर होता मी बावरलो

अबोल नयनाची भाषा तुझी

समजता नकळत मी सावरलो

नयनाची भाषा असते अबोल

तरी खूप काही बोलते

तुझ्या नजरेतून मला

सारे काही कळते

अबोल प्रीत बहरतांना

टाकते तू कटाक्ष प्रेमाचा

घायाळ करतो हृदयाला

नेत्रबाण तुझ्या नयनाचा

तुझ्याकडुन शिकलो

भाषा अबोल नयनाची

शब्दांवाचुन कळते सारे

भावना तुझ्या मनीची

बंध हृदयाचे हृदयाशी जुळले

नकळत आपले प्रेम जमले

तुला काही नाही कळले

मलासुद्धा नाही समजले