पावसाची आठवण

बालपणीचा काळ तो सुखद

येते त्याची खुप आठवण

पावसात मनसोक्त भिजायचे

किती आनंदाचे होते क्षण

शाळेत जाताना छत्री विसरायची

आईचा ओरडा खूप खायची

पावसात मस्तपैकी भिजत

मी हळूहळू घरी यायची

कॉलेजात असतांना मित्र-मैत्रिणी

जात होतो वर्षा सहलीला

निसर्गाचे राजबिंडे सुंदर

हिरवे रूप जवळून पाहायला

सजनासह पावसात भिजतांना

येते आता खूप मजा

आजारी पडल्यावर मात्र

मिळते मला मोठी सजा

 पावसात भिजायला मला खूप आवडते

पावसात मी ओलीचिंब होते

किती वाजली थंडी तरीसुद्धा

बालपणीच्या आनंदाची मजा घेते