वय चाललं वाढत
वय चाललं वाढत
1 min
253
दरवर्षी जन्मदिन
होई सर्वांचा साजरा
वय चाललं वाढत
असे याकडे नजरा
वाढदिवसाचा दिन
आहे तोच आनंदाचा
वर्षातून एकदाच
साजराच करण्याचा
जसे वय ते वाढते
बालपण ते संपते
हळूहळू मोठेपण
सारे काही शिकविते
जीवनाचे आहे तत्व
करू या चुका स्वीकार
चला देऊ सुधारून
त्यांना आपण आकार
वय जरी ते वाढले
मन असावे मोकळे
निरागस व निष्पाप
बाल्या रूपाचे कोवळे
वय जरी वाढलेले
ठेवा निरोगी शरीर
मिळू द्यावा आरोग्याचा
परमेश्वराचा वर