बंडखोर कवी

बंडखोर कवी मी

अन्यायाची वाचा फोडणार

धारदार लेखणीतून

बोट मर्मावर ठेवणार

सत्य असत्याची मी

योग्य शहानिशा करणार

शब्द प्रहार करून

बंड आता पुकारणार

भावभावनांना या

विचारांची जोड देणार

तर्क वितर्क जोडून

प्रबोधनात्मक लिहीणार

सामान्य जनतेच्याही

काळजातलं मी बोलणार

महिला,बाल वृद्धांच्या

न्याय्य हक्कांसाठी लढणार

रंजल्या गांजलेल्यांची

कण्खर वाणी मी होणार

मुके कोवळे भावही

अगदी अलवार जपणार

भ्रष्टाचाराचं रोपटं

मुळासकट मी उपटणार

कुप्रवृत्तीने ग्रासलेल्या

देशाचे रूपंच पालटणार

दुर्लक्षित समस्यांवर

लक्ष सरकारचे वेधणार

समस्या निर्मुलनासाठी

साहित्यच पुरक ठरणार