लाइब्रेरी
प्रोफाइल
# बळीराजा
# बळीराजा
1 min
268
राजा राबतो शेतात
ऊन वारा असो पाणी
जीणे श्रमिकाचे याचे
गातो श्रमाचीच गाणी
जोडी घेऊन बैलाची
बघा चालला डौलात
अरे जगाचा पोशिंदा
इथे राबतो शेतात
कष्ट जीवापाड केले
सोने शेतात पिकवले
अस्मानी अन् सुलतानीने
कसे मातीमोल केले
गेले उभे पीक वाया
पैका नाही हो पेराया
होतो हतबल राजा
डोंगर कर्जाचे फेडाया
राज्य हिरवे शिवाराचे
म्हणे राजा बळीराजा
अरे राजा होणे इथे
बघ वाटतसे सजा
