बिनधास्त जगणं इनाम आहे...

बिनधास्त जगण्यात एक 

गंभीर भारदस्तपणा आहे 

म्हणायला गेले तर आपले 

आयुष्य अगदी सुंदर आहे 

स्व निवडीचा आपणास 

समान सर्वाधिकार आहे 

तरीही काहीशी जाणीव 

अडथळ्यांची होत आहे 

विचारास मुक्तता देऊनी 

बदलाची सुरुवात आहे 

स्वतःत कधी मिसळण्याची 

एकांताची बिनधास्त वाट आहे 

चेहऱ्यावर एक विश्वास 

मौजेचा मुक्त सहवास आहे 

हास्यातला निखळ परमानंद

बिनधास्त जगणं इनाम आहे