भिक्षा
भिक्षा
माझ्या मनाच्या अंगणी
तुझ्या प्रीतीचे चांदणे
नाते अखंडित राहो
नाही दुसरे मागणे
पुण्य केले गतजन्मी
त्याकारणे हे घडले
माझ्या फाटक्या पदरी
प्रेम अपार पडले
तुला जपायची आहे
मम हृदयी अंतरी
तुझा रुसवा फुगवा
माझ्या लागतो जिव्हारी
चुका होतील जीवनी
साऱ्या विसरून जावे
राग सोडून दोघांनी
मिठी एकमेकां द्यावे
तुझ्याविना जिंदगानी
वाटे काळेपाणी शिक्षा
तुझ्या प्रेमाचा भिकारी
द्यावी प्रेमरूपी भिक्षा