भेटतो देव तेथे
भेटतो देव तेथे
शिर्षक- भेटतो देव तिथे
कुणाचे हात,कुणाची साथ,
जीवनाच्या वाटेत,प्रश्नच फार!
साऱ्यांचे हाथ,बरबटलेले,
विश्वास ठेवावा कुणावर !!1
गुन्ह्यात अडकलेले हात,
माणसाला उध्वस्थ करतात!
परतण्याचा रस्ता नसलेला,
जीवनातूनच , हद्दपार करतात!!2
कष्टाची भाकर,खाणाऱ्यांना,
असते,स्वाभिमानाची बुज !
इमानदारी ज्यांचा असतो धर्म,
श्रम करण्यात नसते लाज !!3
वृद्ध जनांना देतात सदैव
आपुलकीचा ,मदतीचा हात!
ईश्वराचा ही असतो सदैव,
त्यांच्या पाठी,आशिर्वादाचा हात!!4
जगांत,सर्वात भाग्यवान ती,
जे गुंफतात,हात मैत्रीचे !
साखळी साखळीने जोडलेले,
निखळ,नि:स्वार्थ आनंदाचे !!5
दिन दलीत, असहाय्य लोकांची,
ज्यांना वाटते सदैव कणव!
माणुसकीचे दर्शन घडता,
भेटतो,तेथे आपणांसी देव !!6