बहावा

बहावा फुलावा मनीचा सखे

ग्रीष्म आतून तापत आहे

गंध तुझ्या प्रीतीचा सखे सांग ना

का गं आतून आटत आहे

तुझ्या पापण्या गीत ते चांदण्यांचे

मला ते सखे गीत गाण्यास दे

डोळ्यातूनी पाझरे पौर्णिमा जी

सखे ती मला पांघरण्यास दे

तू वल्लरी माझ्या बागेतली गं

तुझे फुल माझी शोभा सखे

तुझे श्वास माझ्या श्वासात मिळता

भरून पावतो हृदय गाभा सखे.

हे गीत तुजला,तुझ्यासाठी राणी

तुझ्यासाठी आणिला ऐवज सखे

करतात हल्ले डोळे तुझे गं

होते मन माझे सावज सखे...!